Stellenbosch 05-03-2016 (oggend)
Die wit mis baar ‘n denneboom
uit newels oor die herfs wynland
donker stam met swartgroen kroon
pryk beeldend aan die berg se kant.
In die woonbuurt
hou die boerboel wag
agter ysterhek en pleistermuur
en wuif vlinderblomme silwersag
voor die ou stoep om die huis.
Die afdak spreek victoriaans
met ‘n kantpatroon
in broekie lace.
Die watervoor het ‘n bruggie oor
en pers bougainvillas blom hemelhoog
bo sinkrooi en geteële dakke.
Pride of India takke
pronk pienk – in rye – langs die straat.
En ‘n kind spring op ‘n trampolien
agter ysterpaal en heiningdraad.
Teen agtuur vlieg ‘n hadeda
– onder oorhang akkers en sering –
deur spikkelson en skadu’s in die laan . . .
en dis die bloekomboom
– van bas gestroop –
wat so bléékstam
in die witmis staan.
© C. Shaw
10 Maart 2016
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
10 Kommentare
-
-
Viooltjie
Baie dankie, Louie. Ek waardeer die saamlees en kommentaar :-)
-
-
neels claasen
met hierdie pragwerk verdien Carma beslis tien goue sterre
-
Viooltjie
Baie dankie, Neels. Ek waardeer ☺
-
-
Anria
Pragtige skets wat jy woord vir woord beskryf. Soos mens lees word die detail aangevul. Mal oor jou slot!
-
Viooltjie
Baie dankie, Anria. Ek waardeer die saamlees en kommentaar ☺
-
Evelyn van der Merwe
Mal oor die binnerym wat jy hier toegepas het.
-
Viooltjie
Baie dankie, Evelyn. Dis lekker om nou en dan die binnerym storie reg te kry ☺
-
-
Kiekies
"n Meesterstuk met woorde geskilder wat 'n afdruk in my gedagtes laat!
-
Viooltjie
Baie dankie vir die gawe kommentaar, Kiekies. ☺
-
Maak 'n opvolg-bydrae
Jy moet aangemeld wees om 'n kommentaar te plaas.
Louie
Skilder 'n prentjie