Teenstellende Land
In ‘n land van melk en heuning
doof klank van Magtige dreuning
daar om pot van putupap en wors
vrek ‘n nasie van honger en dors
In ‘n land van snuifgom en tik
ontbreek dissipline – ouers verstik
langs die lieflik sprankel fonteine
borrel suurwater – afval deur myne
In ‘n land van osstert potjiekos
word wesies honger op straat gelos
onder die hoepel van reënboogkleur
hamer swartdood teen elke deur
In ‘n land van kultuur en taal
sinlose snelskrif getik met nael
diep in die landerye groengeil
staan Boere by banke en huil
In ‘n land van lowergroen plantasie
verwoes in vuur van hierdie nasie
spook en spartel suurstofryk’ lug
dikbril professore staan net terug
In ‘n land van kerslig, paraffien
wil kragreus bedanking indien
eens vrysweef stuifmeel deur bye
dood osoon met gifkan spreie
In ‘n land van woeker en swoeg
seevier korrupsie-nou toegespoeg
staan jy dan nog trots en kordaat
of hande af deur enkel mandaat
In ‘n land van speel op straat
pronk daar nou lemmetjiesdraad
daar waar eens was- oorvloed en seën
staan knielende volk nou en ween
In ‘n land vol Christen geloof
word God’s genade uitgedoof
instede van bymekaar staan
treur ieder nou sy eie traan
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
10 Kommentare
-
-
Evelyn van der Merwe
Dankie, ek waardeer
-
-
Viooltjie
Baie gepas vir die tema, Evelyn. Goed gedoen.
-
Evelyn van der Merwe
Opregte dank vir jou wandeling en mooi woorde.
-
-
neels
Hoe pragtig beskryf Evelyn ons vernielde land
-
Evelyn van der Merwe
Jou wandeling hierdeur word altyd waardeer.
-
-
Arnold
Dis hartroerend om toe te kyk hoe 'n eens vooruitstrewende land so vinnig ten gronde gaan.
-
Evelyn van der Merwe
Ek stem saam en daar is bitter weinig wat ons daaraan doen. Dankie vir die saamlees.
-
-
Koekekranka
Hierdie werkie is nie net uiters passend by die onderwerp nie, maar duidelik 'n herinnering aan die toenemende verval en volstruisagtige kop-in-die-sand leef!!! Wegedaan!
-
Evelyn van der Merwe
Baie dankie vir jou inloer, saamlees en mooi kommentaar, ek waardeer.
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Teenstellings projek