Welkom, Besoeker
Welkom, Besoeker

Titel: terugblik

Deur GEDAGTES
Datum gepubliseer: 21 April 2021 Aantal woorde: 157 242 Kere gelees 5

die rotse val om ‘n herstelde Simson
sy lokke van getuienis streel oor sy skof
Jefta traan oor onverskillige beloftes
en Gideon se bende verminder

Debora se tentpen behaal ‘n oorwinning
Jonatan stuur Dawid om sy pyl te haal
Dawid skend Saul se mantel en
treur oor Absalom wat aan sy hare hang

Natan sê vir Dawid jy! is die man
Salomo se huis is groter as die tempel
Naáman duik in die Jordaan
en Daniël wandel in die leeukuil

Ragab se rooi tou red spioene
Isébel vermoor die profete
Nabot se wingerd word gesteel
en Elia gaan met vuurwaens huistoe

wat is die waarde van jou bestaan?
as geen traan opdam oor die Paaslam
die hisopstingel skryf aan die deurpos
maar verander die Bloed jóú etos?

Sy vinger teken in die sand
klippe val uit vele sondige hand
Ek veroordeel jou ook nie
gaan en sondig nie meer

© Francois Meyer April 2021 Brons gradering




TEMAS
1 Kommentaar
  1. Anze

    21 April 2021

    Francois lees asb die opdrag mooi deur 2 x kwatryne en 1 x koeplet
    2 x nuutskeppings wat jy moet aandui ook asb

    Pragtige gedig maar voldoen nie aan die projek opdrag nie

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 22
Kommentaar telling: 6

My naam is Francois Meyer, getroud met n pragtige vroutjie, Jessica. Ek is n trotse pa van vier seuns. Die lewe is ryk aan kosbare waarhede wat ons gedagtes daagliks vul. Soms het ons die moed om dit op papier neer te pen sodat ander dit kan lees. Hoop jy geniet die lees soos ek dit ook geniet!

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 396 gaste aanlyn

Bydraes – Argief