Uitkoms
maar dalk, op ’n dag
val daar druppels uit ’n potblou hemel
– abrup, heel onverwag
dan sal jy dans
jy sal huil
jy sal lag
as jou vleie loop
as reën riviere raak
trane sal ’n vuil streep
oor jou stofwang kaart,
maar wie gee om –
genade moet ’n merk kan maak
© Carma Shaw
27 November 2018
5:37
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
Maak 'n opvolg-bydrae
Jy moet aangemeld wees om 'n kommentaar te plaas.