
van toe af
sy gesig vertrek van onthou
woorde van sy pa hamer hom
hulle sal ons nog vertrap
slegs met hul getalle sal hulle ons oorheers
sy onderbewussyn trek skeef
elke gebeure van die tyd
bring onaangenaamheid
maak hom negatief oor alles
alles wat is, was al gewees
herhalende familie-trekke
dieselfde konserwatiewe denke
oor en oor weer die stryd teen die bose
wanneer hy die dag goed voel
speel lief wees ‘n groot rol
om aangenaam te wees
sy hart bloei, soos sy pa was, vir ander
selfs sy brak lyk na hom
of is dit nou andersom
sy skaduwee bedags
soos sy voorgangers sy waghond snags
die wolke van sy bestaan
dreig soms swart en roes
soos voorheen breek dit soms
deur die werklikheid soos die knal van ‘n geweer
©Teárlach
(magiese realisme)
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die November 2022- OOP projek