VERLANGE
VERLANGE
as die maan so wasig
my gelaat afwit
so wit so wit
net soos my silwer kroon
voel ek hoe verlange
so saam met asem
deur my waai
ek neurie sag ‘n liedjie
van jare ver ver terug
en voel hoe vlerk my voete
die wysie ritmies saam
ek sluit my oë
en wieg en wieg
en nestel
teen die soetheid
van onthou
herinnerings
tol om en om
en dans en draai
en dan
eufories
lê die laaste note
my sag so sag
in droomland neer
© Barbara Smit 09/01/2020
2 Kommentare
-
Seirdna
Baie mooi gedoen!
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Januarie 2020 projek