Jongste aktiwiteit:

Verleiding (opdrag 7)

Sandaal se gespe losgemaak, trap sy weer
’n kaalvoetspoor deur blom- en kruietuin;
beklee is sy, met bont sarong – ragfyn.
Broos is sy, soos appelbloeisels in hul fleur.
Soms woed die vuur in haar – ’n hunk’rend seer;
midde laventelblou en roosmaryn
val sonlig oor haar vel, saans dans maneskyn
in tango met haar wese. Hy wat begeer
wil haar neerlê onder skadubome,
in koel skemer – warm woorde oor haar vly,
die vorme van haar vrouwees teen hom voel.
En met passie (in middernagse drome)
haar na oorgee tot die liefdespel verlei –
tot verbint’nisse, wat innig deur hul spoel.

© Carma Shaw
21 Augustus 2018
13:58




Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)

11 Kommentare

Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed