Voëlsonde Kaskenades
Katlagter sit en skel onverpoos
vergeet soms dat ander is ook broos
Piet-my-vrou sit in diepe rou
haar man het haar gisteraand afgeknou
het mos gister saam met vink gesuip
by die prieël waar gegiste korrels van soetheid druip
Hadida sit op die nok en treur
Uil se brassery het die hele nag sy rus versteur
tannie Mossie pluk haar vere klossie vir klossie
haar jimpel man wil die hoervrou nie lossie
Jan Fiskaal se streke gaan hom nog kwes
saai mos sy kinders in ‘n ander voël se nes
Sekretarisvoel hou hom danig “up stairs”
maar in sy nes brand hy beide kant van die kers
Kiewiet skarrel tjir-tjir, immer aan die werk
sy nuuskierigheid ken geen grens of perk
Kwêvoel koggel almal uit
vir ander se gevoelens voel hy geen duit
Duif sit rustig alles en gadeslaan
kort-kort tril sy stem ‘n helder koer-koer
by my is Gods genade wat jou weë baan
kom jul sondekinders kom-loer-kom-loer
wanneer God die aandskemer se aandpalet kom verf
raak alles rustig in beloftes van Ewige lewe erf
Mariette Stoker
5 Kommentare
-
Inkmoderator
NS: maak asseblief net die titel reg : voëlsonde kaskenades, met 'n deelteken. IM
-
Mariette
Geagte Inkmoderator Baie dankie vir u positiewe terugvoer. Opregte waardering aan u.
-
-
Anze
Pragtig, baie dankie vir jou bydrae tot die INK gedenkbundel projek
-
Ronel Janse van Vuuren
Pragtig. 'n Plesier om te lees.
Maak 'n opvolg-bydrae
Jy moet aangemeld wees om 'n kommentaar te plaas.
Inkmoderator
Ek vergelyk hierdie vers van jou met die vorige krit en hier is 'n voorbeeld waar jou rympatroon skrander en sorgsaam oorweeg en geïmplimenteer is. Hierdie vers is regtig heerlike leesstof en en ek kan nét dankie sê vir so 'n pragtige bydrae. IM