Jongste aktiwiteit:

Vrou

Ek weet jy stap deur tuine
waarin daar skadubome is,
verby laventelbos en lelies
in die blom.
Die rose wys hul mooiste kleure net vir jou
en ballerinas* dans jou agterna.

Die blomrok wat jy dra
vou saggies teen jou lyf,
die wind speel met jou hare
wat (effens wild en vry)
verby die ronding van jou wange krul.

Jy wil – soos altyd –
op jou wit stoel sit en droom
onder lower takke
waarin muisvoëls en Kaapse tortelduiwe woon.

Ek weet jou hande hunker
om weer aan veldblomme te raak,
jou palms –
om oor fynbostakkies te kan streel.

En ek verbeel my immer
dat ek jou sien stap
deur jou eie stukkie hemel,
wat soos ‘n blomtuin
om jou lap.

*ballerinas – fuchsiablomme

© Carma Shaw
2 Desember 2017




Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)

Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed