waarmerk

 

hiermee verklaar ek voor almal

dat my gedigte en skrywes eg is

dat dit nie plagiaat is nie

 

afrikaans is so ‘n mooi taal

vir digter en skrywer wonderbaar

daar is net soveel woorde daarin vervat

dat enige skrywer of digter iewers iets

wat voorheen al deur iemand anders

gebruik was – sal herhaal

onwetend – ondeurdag

verskil kom by voordeur ingesluip

dan vertrek integriteit

deur agterdeur

 

komitees, tribunale

almal wat murmureer

oor “hulle” woorde en sinne

verwese oor kopieregskendings

verslae oor bewysbaarheid daarvan

teer en veer van woordsmokkelaars

essensie bly : intellektuele diefstal

verbanning uit groepe

ontneem skuldiges

van hul gehoor

so baie futiele

aksies

 

skrywer en digter

gebruik vandag se AI-tegnologie

daar kan jy jou werk gaan toets

vir plagiaat en ook of dit van

menslike oorsprong is

so kan jy dalk beter

verstaan

 

© Tearlach.

Plagiaat : “plagiaat” kom van die Latynse woord “plagiarius”, die eerste keer in die laat 1500’s gebruik. — die neem van woorde, beelde, idees, ens. van ‘n skrywer en die aanbie- ding daarvan as jou eie.

Eienaarskap : By gedigte en skrywes aangedui met : ©. ®. ™ plus jou naam of skuilnaam.

https://www.cudekai.com/af/gratis-aanlyn-plagiaat-kontroleerder