Wat kyk Mamma?
Ag, ek kyk maar deur die ruite
na die blou lug en die wolke
ek kyk sommer na die bome
en hoe die winde daardeur waai.
Ek kyk weer na die teerpad
en die lamppaal voor die huis
die tuin (wat bietjie droog is)
en na die kiewiet en die kraai.
Ek kyk tot waar die wit sand lê
tot waar die Weskus branders breek.
Ek sien die see en ook die golwe
ek sien die meeue wat daar draai.
Ek sien ‘n malgas vol in vlug
hy vlieg weg, maar kom weer t’rug.
O, sy hart weet waar sy huis is ~
dis op die strand by Lambertsbaai.
*
Ag, mamma kyk maar net deur ruite
verby die skans en stof
. . . na buite
C. Shaw
6 November 2015
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
4 Kommentare
-
Toom
,Kyk jou kyk, Kinta. Ek sien my sien,' sê Mamma. Wat is 'n portret? 'n Foto? Of die mens agter die prent? Baie mooi, baie fyn geteken. Dankie. GvT
-
Ronel Janse van Vuuren
Pragtig.
-
Louie
'n lewensonderwindings gedig
Maak 'n opvolg-bydrae
Jy moet aangemeld wees om 'n kommentaar te plaas.
neels
n Gedig wat baie heimwee in n mens verwek en beslis verdien dit 10 goue sterre