WhatsApp (last seen 25 Dec 2014)
. . . en
skryf jy nog lang gedigte
oor die liefde en ons land
ry jy nog die wêreld vol
tot innie Kaap
was jy toe ooit by Bloubergstrand
ek bly nog in my houthuis
drink steeds soetwyn saam met brood
en onthou jy nog die wit hond
hy lê nou weer
met sy lyf hier op my skoot
ek’t Sondag verby Simonsberg
en toe deur Pniel gereis
Franschhoek was ‘n skilderdoek
ek sou dít
so bitter graag vir jou wou wys . . .
© C. Shaw
9 Februarie 2016
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
5 Kommentare
-
Carin Marais
Absoluut pragtig!
-
Viooltjie
Baie dankie, Neels en Carin. Ek waardeer die saamlees en kommentaar :-)
-
Louie
Sjoe.. hierdie woorde laat gedagtes wakker word wat ek lank lank terug toegesluit het.
-
Kiekies
Hierdie gedig laat 'n tinteling in my diepste hart en my diepste gedagtes! Dis pragtig!
Maak 'n opvolg-bydrae
Jy moet aangemeld wees om 'n kommentaar te plaas.
neels
in my verbeelding sien ek dit Carma so mooi beskryf jy dit