Jongste aktiwiteit:

Winter

sonnetjie kam deur die bome se krone
bleekgeel grashalms wiegie windverweer
voëls twiet-twiet benoud heen en weer
in die naak-bleek takke van bome se krone

wind spoel deur die vingers van die son
winter kantel sy mantel oor aards blad
kraak-swiep sy voete oor die blaremat
web die herfs in sy ysige kokon

fladder-flap die kromosome van die wind
wasem ysige asem oor elke boom en blom
wat in sy teenwoordigheid kom
hoei-hoei bleek die wind waar sy voete vind

winter plooi die dae omgesooi in sy ysige mantel
frommel-kreukel ryp in elke plooi se sooi
tooi sy naam selfvoldaan wie hom nooi
moeder aarde rou oor die winter se kou kantel
—————–ooo0ooo—————–
(© Pieter Mostert)
(Silwer)

 




1 Kommentaar

Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed