Sneeuverslag (Julie 2016)
Nog ‘n vlokkie val op Erfdeel*
bo die Hexriviervallei.
Oor Matroosberg daal ‘n stille vrede neer.
En kranse lê in wit gewaad
– bo De Doorns –
langs vaalbruin wingerde verby.
Witsieshoek se liggies glim
in ‘n Vrystaatnag vol skemer.
By Clarens beeld ‘n doringboom in ys.
En Ficksburg hou sy asem op . . .
in voorspel tot die blomseisoen.
Kom lente,
sal kersiebloeisels pienk en paradys.
Op die hoogland van Lesotho
staan ‘n kar met sneeu bedek.
By Elliot in die Oos-Kaap bid ‘n boer –
dat die uur tog net veby sal gaan,
daar geen dier
in hierdie duisternis sal vrek.
En veertig wagters vasgevang
(hoe koud is dan die hel)
daar êrens waar die velde wit
tussen vries . . . en Tiffendell.
*Erfdeel – plaasnaam
© C. Shaw
30 Julie 2016
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
5 Kommentare
-
Ronel Janse van Vuuren
En nou kry ek sommer koud... Goed gepen :-)
-
Janetta-Helena Boonzaaier
Dit tref my met die weerlees weer die fyn lees van die sneeuberigte en die digterlike weergawe daarvan, ek het dit geniet, uitstekend!
-
neels
Sjioe Carma ek sit sommer en koud kry so realisties stel jy dit
-
Viooltjie
Baie dankie, Neels. Ek waardeer die saamlees en kommentaar baie :-)
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Staande applous!!! Dis briljant!