Woestyn
skynbaar leeg en Godsverlate
strek jou wye bruinkombers
van hoek tot horisonkant
en in sandkorrelstrate
net enkel dier en plant
wat stadige aksie roer
maar moenie uit gedagte verloor
Hy het jou met Sy skilderhand
neergepen en fyn beplan
sodat elkeen met sandvoetspoor
jou skoonheid en bekoring
netjies in geheuebank stoor
slegs enkele druppels
uit Sy bloubeker gegiet
laat jou telkens weer lewe
en elk’ dooie dor plant
pronk in prag en praal
in son se snikheetstraal
wielspinnekop, gallop
rondomtalie teen helling af
as koggelmander kug
waar hy tweepoot poseer
op enkele ronde rots
uit sy borsie ’n welkom’ sug
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
4 Kommentare
-
Palet
'n Woestyn fyn beskryf...hou hiervan
-
Arnold
`n Mens staan altyd verwonderd hoe die woestyn in sy eie reg voortlewe.
-
Evelyn van der Merwe
Dankie vir julle inloer en goue woorde dit word opreg waardeer.
Maak 'n opvolg-bydrae
Jy moet aangemeld wees om 'n kommentaar te plaas.
Anze
Hierdie is pragtig en vol gevoel vasgepen!