Alles of niks
warm is my huis se glimlag
wanneer jy vol berou indraf
getrou sal ek jou storie volg
aanbiddend my klein rol vertolk
en wanneer jy weer weg is, móét
ek wonder of jy hiermee groet
my vrese sal ek vir jou verloën
kwellinkies toor jy weg met ‘n soen
‘n rooi roos, ‘n takkie jasmyn
oorrompel my en smelt my pyn
maar die son raak moeg van skyn
ons liggie is aan die kwyn
© Doret Johnstone-Robertson (Saterdag, 30 Julie 2016)
Doret JohnstoneRobertson
Gedigte kom dans graag deur my gedagates en dan kan my vingers nie anders as om 'n paar passies met 'n pen oor papier te maak nie. Daar is 3 selfgepubliseerde boeke op my kerfstok (1 kortverhale bundel vir vroue en kinders; 2 digbundels) en my volgende digbundel is op pad. Kontak my gerus as jy enige navrae het by doretj@gmail.com. Ek waardeer almal se lees van en kommentaar oor my werk en versoek julle om my werk as my eie te respekteer en my kopiereg te eer.
2 Kommentare
-
Kiekies
Oi man, dis pragtig gedoen!
Maak 'n opvolg-bydrae
Jy moet aangemeld wees om 'n kommentaar te plaas.
Anze
Diepseer woorde baie mooi hier vasgepen