As die gordyn sak

In die voorportaal het ek gestop
vertoef by geraamde gelukkige oomblikke
‘n groteske tafereel van skyn
dis nou of nooit, besef ek
want omdraai
sou beteken
nog ‘n kleedrepetisie
in ‘n nimmereindigende treurspel van stukkende lewens

toe ek die deur agter my toetrek
het ek jou, my hart, en ‘n leeftyd agtergelaat
en terwyl ek wag
op die ontwykende vreugde van vrywees,
gewonder oor die wrang smaak
van seer verlies wat in my keel en oë brand

©️ Elize Kruger
12 Januarie 2022