Welkom, Besoeker
Welkom, Besoeker

Titel: Dalk … net dalk …

Deur Taai
Datum gepubliseer: 27 Desember 2019 Aantal woorde: 139 241 Kere gelees 13

Met gehunkerde oë
hou grootjies die ingang dop
afwagting kom kuier diep
in hul harte soos van ouds
maar tyd stap stadig aan
met geen geliefdes in sig

dan doen teleurstelling skielik
’n vreugdevolle dans
vat pos en sprei uit
na elke hoekie van hul vlees
traanskerwe word dan stil-stil
in die lydensbeker opgevang

met geknakte hoofde
besin hul hul seer
die rou van vandag se harteleed
folterklem hul brose harte
en slaan diep sy kloue
in hul gemoed

gekreukelde flenter lappie
word bewend ingespan
om die lydensbeker versigtig
weer mooi uit te droog
want … more bring hoop
die verwagting saam met haar

want dalk … net dalk …
sal hul geliefdes more aan hul dink
want dalk … net dalk …
sal hul geliefdes more ’n wyl by hul verwyl
want dalk … net dalk …
oorbrug liefdesbande die kloof tussen hulle.

© Taai Bonthuys




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 48
Kommentaar telling: 6

Digter, Skrywer en professionele rekenmeester.

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

1 Lid, 196 gaste aanlyn

Bydraes – Argief