Die avontuur van liefde
Geil groen blare
en blomme blou
soos vlinders vrolik, fladderend
waai kosmos in die wind
Maar diep, diep daar binne
toegedraai in spierwit linne
saggies lê dit en bewe
daar diep binne rus die liefde
In die winter is jy die kaggelvuur wat brand
die vlam en vuur wat my vertel ek is op die regte plek
die wolkombers wat ek om my vou om die koue van my lyf te hou
Ek is hier vir jou
jy is daar vir my
seisoene gaan gou verby
Die avontuur van liefde
laat mens soms ontnugter
verwese, bang, ontbloot en skugter
al sweef dit soos swaeltjies
deur die lug
liefde bely in die mooiste neurie-klank
want dis ook ‘n avontuur
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Liefde projek