Die dopperkiaat (Silwer)

Na ‘n laat-lente, deurdag, deurnag,
noag-reën se nat,
het die lowerreus (al dig verskuil bebot),
na so ‘n heil’ge doop, spontaan in songeel
vreugdejubels uitgespat,

volmaak ons vroegsomer en snerpwinter ruiswind
oor ‘n doodgaan droë seisoen,
vol konfetti-spikkels, nuut, so mooi,
in ‘n skittergoue eg oor groen gestrooi,
verbind.

Maar die dopper is maar ook ‘n fopper.
Die blompies kwyn met songang
in die grasperk en verskyn
weer lukraak na ‘n bui –

sikleer my in sy pynverbond
totdat die einde kling-klang lui.

Charleine Collins © November 2019

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag