Welkom, Besoeker
Welkom, Besoeker

Titel: Die krag van reën. (Brons)

Deur Taai
Datum gepubliseer: 19 Mei 2022 Aantal woorde: 165 139 Kere gelees 2

(Opgedra aan die slagoffers van Natal se oorstromings en die boere wat deur die droogte geraak is deur die afgelope jare)

Stormagtig het sy haar donker kleed
styf om haar toe gevou
verwoestende trane om haar gestort
haar fyn, groen voete diep verspoel

stemme verrys smekend in ‘n hulpkreet
oë proe bitter verwoesting gesaai
want wat eens was, ‘n groen oase
nou net in modder en slyk toegevou

baie hande moes inspring om te red
verlies aan lewe en eiendom te beperk
haaie patroleer nou die stil teerpaaie
enjinlose staalbote lê hartseer besaai

en iewers … ver in ‘n dorre, yl land
tik-tik-tik reën sag teen die ruite
in ‘n rotsskeur verrys wit die geklots bruisend
skouspelagtig by die plek van groot gedruis

met hoopgevulde oë wat prewel
kniel boere in dank erkentenis
vir hul soete omarming van bo gegewe
soveel nat beloftes verkwik hul siel.

© Taai Bonthuys

Voetnota

Die Khoekhoe mense het Augrabies watervalle oorspronklik Ankoerebis genoem, wat beteken: Die plek van groot gedruis.




TEMAS
1 Kommentaar
  1. Anze

    19 Mei 2022

    Pragtig, baie dankie vir jou bydrae tot die Mei 2022 OOP projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 53
Kommentaar telling: 7

Digter, Skrywer en professionele rekenmeester.

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

SOLIDARITEIT – Trotse borg van INK dig/skryf kompetisie

 

Gebruikers Aanlyn

3 Lede, 537 gaste aanlyn

Bydraes – Argief