Die Tou

Die Tou

Die tou is ‘n blote gebruiksartikel
van teregstellings tot redding—
Dit was strop om die nek vir halsmisdaad
en tou om die nek om ‘n dier te lei en is
‘n teken van mak onderdanigheid—
Reddingstoue word
letterlik en figuurlik uitgegooi om lewens
en sake ondernemings van ondergang te red,
toutjies trek vir geheime invloed, maar vir
menseverhoudings is dit geen bindende faktor
en tog of dit ‘n dik of dun tou is bly dit steeds
onmisbaar in die moderne samelewing en
‘n simbool van geankerdheid en vastigheid,
‘n kommoditeit sonder romantiek—

Janetta – Helena [Babs] ©