Digterskleure
Digterskleure
daars ‘n kleur in elke digtersiel
daars n kleur in elke daad
‘n ligter kleur vir liefde
en ‘n donker kleur vir haat
daars n vaalheid aan die more
van ‘n son wat ophou skyn
en ‘n grouheid aan die nadag
van ‘n ou mens aan die kwyn
daars ‘n voorkleur en ‘n nakleur
in alles wat jy doen
wat afhang van jou liefde
en hoe jy jou versoen
die kleure in jou lewe
keer altyd terug na jou
soos die hande van die hemel
wat die heelal vas moet hou
uit ‘n mengelmoes van kleure
soos ‘n skilder met sy kwas
kies jy dan ook jou kleure
wat by jou digkuns pas
4 Kommentare
-
Toom
Baie mooi! Eindelik 'n gedig wat ek kan lees, met ordentlike spelling en grammatiek, rym en metriek. Jy hoef jou waarlik nie te skaam vir korrekte kommas, punte en groot- en kleinletters nie. Dit verhef jou werk daar waar normaalburgers dit kan verstaan en geniet. Andersins goed gedaan! Dankie. GvT
-
Seirdna
Dankie Anze
-
Seirdna
Dankie Toom Waardeer jou kompliment en neem kennis van jou aanbeveling!
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Oktober 2019 projek - Kleur