DONSKOMBERSIE
Ek het vandag laatmiddag die dag se wegloop
so plek-plek vasgetrap
en ‘n bietjie dag se somer goud
gaan bêre onder my slaap se donskombers
Ek stof die dag se goud-as van my kamer vensterbank met ‘n glimlag af
en maak vir my ‘n afvalkussing
wat pas by my donskombers
gemaak uit gister se druipstert lag
…Ek vou my donskombersie
skaam-skaam onder my arm toe
en skep nog langs my aanstap
losloper sonlig vlokkies op
om jou ‘n eie donskombersie te gaan maak
Louie
Gebore by die see, verlief geraak op die berge / platteland en woon nou in die Vrystaat saam met my vrou Charmaine en 11 maande dogter Katelyn. Was deel van WOES se eerste bundle uitgawe van 2008 onder my tweede naam Gerhard. Vroeg "afgetreë" en hou myself besig met my "kunswerke". Werk ook deeltyds aan my eerste digbundel. Alle hulp en raad sal goud werd wees ...Ag en dan die legal ding: alle regte word voorbehou op geplaaste werke
2 Kommentare
-
Evelyn van der Merwe
en ‘n bietjie dag se somer goud gaan bêre onder my slaap se donskombers Hou van hierdie.
Maak 'n opvolg-bydrae
Jy moet aangemeld wees om 'n kommentaar te plaas.
Viooltjie
Sag op die oor en die hart, Louie. Jy skep mooi prentjies in my kop :-)