Droogmond prewel
Op die verweerde winter horte
van my diepste binnesluis
brand warm koker vure,
én daar komponeer
jy dan ‘n minnesang
op die nat wasems
van ‘n vergete ruit
Snoer jy my blanke hals
in fluisterklanke –
wat soos ‘n wingerd
van pêrels, in violet bot
omkrul my voel
met rankvingers van
‘n immergroen
Sag omsoom jy my palms
se afdruk met ‘n sagte Vrede
(amper soos ‘n blinde
se voel in Braille)
gee my sò weer ‘n opgestane rede
om droogmond te prewel
na liefde wat uit
koker-vure wink
© Anzé Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
10 Kommentare
-
-
Anze
Baie dankie liewe Neels vir jou mooi kommentaar
-
-
Koekekranka
A la minnedigteressie... Pragtig Anze!
-
Anze
Baie dankie vir jou goue voetspore liewe Koekekranka
-
-
Ronel Janse van Vuuren
Pragtig gepen.
-
Anze
Baie dankie Ronel ek waardeer
-
-
Evelyn van der Merwe
Ek ditto die res. Uitstaande gepen.
-
Anze
Baie dankie vir jou gereelde inloer Evelyn ek waardeer dit baie
-
-
Arnold
Soms word liefde in Braille gelees en so baie kan die ontleding daarvan nie verstaan nie.
-
Anze
Jy praat waar Arnold.. dit is soos die liedjie "when you say nothing at all..." Liefde het nie altyd woorde nodig nie, dankie vir jou saamlees en verstaan
-
Maak 'n opvolg-bydrae
Jy moet aangemeld wees om 'n kommentaar te plaas.
neels
Sjoe Anze ek het te min sterre om uit te deel vir hierdie pragwerk