
Een se dood
Met jou horisontaal
glad, pienkstreeplyf
wydsper gapende bek
beur jy onverpoosd voort
skubbe lank reeds vodde
soos jy swem vir ‘n plek
Stroom-op bly spartel
met jou einde in sig
waar water nie meer kartel
jy wyfie-eiers moet bevrug
witpens nou hemelwaarts
dis water onder die brug
Maar op die oewer oorkant –
kreun meneer van ‘n beer
reeds trommeldik gevreet
smagtend na meer en meer
want sy tyd het aangebreek
om rustig te loop hiberneer
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
neels claasen
Treffend gestel evelyn