Een vuurhoutjie

Gemsbok lees die winterweiding
in die duine-note van die wind
waar Kameeldorings vreugde vind
en die tapyt van die duineveld besing

een vuurhoutjie uit mensehand
glip deur die vingers van die wind
en steek sy vreugde aan die brand
vuur en vlam skep chaos in duineland

yl klossies stoppelbaard roet-swart
oor die wange van die duineveld
en ’n uitstekende chaos roukleed smart
voor die oë van die son

dan kom die reën sy arms om haar vou
en word chaos tot orde herbou
——-ooo000ooo——-
(©Pieter Mostert)

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag