Flenter kompas
Die son hang oranje-laag in my winter boom geraamte
‘n Irriterende en bytende kol muggies spookasem oor elke gedagte
In myself gekeer
Emosioneel struikelend en ‘n hart wat begeer
Keer ek terug na die ou bouval
Waar ek snags kan rus onder die knipoog heelal
Uittand baksteenmure van ‘n eens wonderlike lugkasteel
Nou ‘n ou murasie met dak-lek-gate en ‘n stof prieel
Waarvan ons die ryp soet druiwe van saamwees eens geoes het
Hang daar nou net ‘n paar plooierige Bagus-korrels wat geswoeg het
Die bome groet mekaar met Augustus-wind blaar-gebare
Die koue wind ween om die hoekie waar ek sit met warm trane
Die laaste skewe sonstrale word met koue skaduwee-vingers verwurg
Die swart saal hang skeef teen die muur vir my nag-merrie se rug
‘n Seeroog warrelwind mik by my verby en waai my bloed-seer
Met ‘n flenter kompas en suf slaapsak word ek stadig deur die nag verteer
6 Kommentare
-
-
Blommie
Baie dankie Anze
-
-
Vonnie
Blommie, baie dankie vir jou Septembermaand inskrywing hoor.
-
Inkmoderator
Ek sien jy is nuut op die werf, en daarom wil ek net sê dat die krit by enige van jou verse daarop uit is slegs tot ontwikkeling is. Hierdie vers het diep wortels en uit pyn skryf digters gewoonlik die beste werk. Ek wonder of jou sinne nie wel effe geknip kan word sodat dit ritmies meer egalig kan wees nie. Ek gaan 'n voorstel hieronder plaas en dan kan jy op jou eie tyd daarna kyk en terugvoer gee. Die son hang oranje-laag in 'n winter boom geraamte; irriterende en bytende kol muggies spookasem oor elke gedagte. In myself gekeer – emosioneel struikelend en ‘n hart wat begeer keer ek terug na die ou bouval waar ek snags kan rus onder die knipoog-heelal. Uittand baksteenmure van ‘n eens wonderlike lugkasteel nou ‘n ou murasie met dak-lek-gate en ‘n stof prieël waarvan ons die ryp soet druiwe van saamwees eens geoes het hang daar nou net ‘n paar plooierige Bagus-korrels wat geswoeg het. Die bome groet mekaar met Augustus-wind blaar-gebare die koue wind ween om die hoekie waar ek sit met warm trane. Die laaste skewe sonstrale word met koue skaduwee-vingers verwurg die swart saal hang skeef teen die muur vir my nag-merrie se rug. ‘n Seeroog warrelwind mik by my verby en waai my bloed-seer met ‘n flenter kompas en suf slaapsak word ek stadig deur die nag verteer. Hierdie voorstel het niks aan die bewoording van jou vers verander nie maar slegs so effe aan die tipografiese aanbieding. Jy is welkom om van my te verskil en daaroor te gesels. Dit is juis waarvoor hier krit forum geskep is. Hoop om spoedig van jou te hoor. Groete.
-
Blommie
Baie dankie, waardeer dit. En ook vir die krit, dit help baie :-)
-
-
Louie
Hierdie is nou my styl gedig. Ook slae gekry oor die langasem by die krit. "Die laaste skewe sonstrale word met koue skaduwee-vingers verwurg Die swart saal hang skeef teen die muur vir my nag-merrie se rug" Sien dit wat jy hier beskryf. Sien uit om nog te lees Groete Louie
Maak 'n opvolg-bydrae
Jy moet aangemeld wees om 'n kommentaar te plaas.
Anze
Baie welkom op INK en jou afskop is diepseer maar pragtig vasgepen