Genade-doudruppels
waar ek verdrink
in die oseane
wat deur jou are bruis
lees ek die uitroep sinne
in die diepkyk van jou oë
en waar jou asem skor
jou liefde oor die naat
van my vel kom skryf
ook in die boog van jou mond
hoor ek die soet
van omgee
sonder grense
so plant jy kosmosvelde
in die binnekamers van my hart
bedou dit met genade-doudruppels
uit die put van jou siel
as jy met jou hande
oor my menswees
streel
© Anzé Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
2 Kommentare
-
Zymrly
Ek hou hiervan.
Maak 'n opvolg-bydrae
Jy moet aangemeld wees om 'n kommentaar te plaas.
Eduard Smith
Anze, so saam met jou eerste vers, wat keurig en lieflik aangebied is, wil ek jou namens myself, Vers Veritas op Facebook en al my lede baie geluk wens met hierdie grootse poging van jou. Dit skep 'n professionele indruk, vibreer van uitnemendheid en ek is saam jou en elke lid wat hier aansluit opgewonde met die groei wat onafwendbaar is. Baie geluk.