Hoe glo jy in liefde
Hoe skryf jy van liefde
as jou hartmure bloei
oor distels van glisters
waar geen rose meer groei
Hoe lig jy loodswaar hoof
na die goudstraal van son
as jou hele wese ween
oor – as dit maar net kon
Hoe hoor jy die geroep
van tortelduif na sy maat
as jy steeks staan trippel
in eie moedeloos straat
Hoe sien jy vlindervlerke
as oogklap pupille omvou
slegs donker put se mure
waaraan lense heeldag klou
Hoe glo jy in die liefde
wat telkens sweepslag kloof
so word jy maar weereens
van jou menswees beroof
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
8 Kommentare
-
-
Evelyn van der Merwe
Dankie waardeer altyd jou mooie kommentaar.
-
-
Zymrly
Sterk sosiale kommentaar in 'n uitstekende gedig uitgebeeld.
-
Evelyn van der Merwe
Dankie vir jou besoekie hier.
-
-
Meermin
Saggies geskets. Hou van.
-
Evelyn van der Merwe
Bly jy het hom geniet.
-
-
borrels
Pragtige vers Evelyn. Hou van jou inleiding ... "Hoe skryf jy van liefde as jou hartmure bloei"
-
Evelyn van der Merwe
Vra ek ook met trane in my oë. Dankie vir die inloer.
-
Maak 'n opvolg-bydrae
Jy moet aangemeld wees om 'n kommentaar te plaas.
neels
evelyn dit is n pragwerk wat aan die hart vat