Jou naam word geskryf
Ek skryf jou naam tussen spoelklip en sand
hoog teen die berg se skurwe wand
daar waar see weerkaats op die strand
trek ek dit krom met ‘n sirkel daarom
Ek krap dit rof teen ‘n soetdoringbas
waar reën dit nimmer af kan was
verf dit op lap met ‘n horingou kwas
repeteer dit dan harder hierdie keer
Vleg dit grof met ‘n groen mielieblaar
ploeg dit skeef met geroesde ploegskaar
griffel dit teen ou murasie pilaar
hurkend met die wete..als is vergete
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
6 Kommentare
-
-
Evelyn van der Merwe
Dankie en ja slegs die tyd sal leer.
-
-
borrels
Ek hou sommer BAIE hiervan
-
Evelyn van der Merwe
Dankie vir die inloer en saamlees.
-
-
neels claasen
Evelyn ek se nog altyd jy het n unieke talent en hierdie gedigte bewyys dit
-
Evelyn van der Merwe
Dankie Neels alle eer aan my Skepper. Waardeer jou altyd.
-
Maak 'n opvolg-bydrae
Jy moet aangemeld wees om 'n kommentaar te plaas.
Louie
Hierdie een kry regtig lewe voor my geestesoog... en ek hoop als bly nie vergete