vir
Gedigte
Jou stem se streling
Ek luister my lief
in die wind hoor ek die klanke
van jou stem se streling,
waar gister nog eggo.
Ek voel my lief
in die warm van die son
jou hand se huiwer
op my hart se seer.
Ek asem in my lief
die aroma van jou siel
wat my sagkens troetel
as die lewe knou.
Ek weet my lief
dat ek jou moet vashou
met my hele psige
want dis jy wat my heelmaak.
4 Kommentare
-
Anze
sintuie baie goed aangewend in hierdie pragtige gedig
-
Evelyn van der Merwe
Mooi gebruik gemaak van sintuie.
-
Vellies
Baie dankie vir jul positiewe kommentaar en saamlees. ♥
Maak 'n opvolg-bydrae
Jy moet aangemeld wees om 'n kommentaar te plaas.
Viooltjie
Netjies, gestroop van alle onnodige woorde. Goed gedoen :-)