Kambro kind
Kambro kind
In die verte van die Swartberg se poorte
waar die kranse van plooie hul weg vind
langs ‘n kronkelpad se geboorte
word die denke van ‘n kind
gegraveer
op die wil van sy Heer
In hierdie land waar die klapperbos my siel betower
en helder vygies blom in karoosand
wil ek jou met woord verower
In ‘n Klein Karoo se almag
het ek gesoek en gevind
na jare se gewag
‘n bestaansreg as jou kind
vir ewig jou Kambro kind
– Petrus JS Vermaak
Maak 'n opvolg-bydrae
Jy moet aangemeld wees om 'n kommentaar te plaas.