Ligte
Sy droom in wit en swart. Dit is die enigste manier om deur ‘n dag op die kleurvolle mallemeule te kom. In haar drome is die wêreld in perfekte kontras. ‘n Wit-en-swart hoender kan selfs twee verskillende hoenders wees as die lig net reg val.
Sy skrik wakker toe die swart kat wat haar drome lastig val skielik groen oë kry.
Die skemer kamer is kat-vry. Sy kyk op na die muur oortrek met foto’s wat sy geneem het; almal van hulle in wit en swart. Daar was ‘n tyd toe foto’s haar tronk was. Nou is hulle haar behoud.
Haar selfoon helder op. Dis nog ‘n boodskap van hóm. Sy vryf oor haar oë en sug. Die lig vang die foto wat sy geneem het van haar vleierige man en die sosiale vlinder by die bal wat sy nie kon bywoon nie. Haar voete klop soos woede deur haar vloei.
Sy dwing haar moeë arms om haar weg van haar werkstafel te stoot. Sy sit die lig af en die vertrek word pikswart soos sy haar rolstoel by die gang af maneuver. Een dag wanneer sy heeltemal gesond en heel is, sal sy weier om ooit weer hoë hak skoene te dra. En sy sal wegbly van katte af. Dis juis daardie kombinasie wat haar in hierdie gemors beland het.
Nóg ‘n boodskap kom deur in gedemperde lig op haar selfoon. Nóg ‘n verskoning. Sy moes eerlikheid oor charisma gekies het.
**Brons klas.
4 Kommentare
-
Ronel Janse van Vuuren
Liewe lesers. In die Maart Projek Uitslae is daar gesê dat die bronteks nie herken kon word in hierdie storie nie. https://ink.org.za/maart-2019-projek-uitslae-deur-inkmoderator/ Die projek het gegaan oor "Intertekstualiteit" (Intertekstualiteit is die vorming van die betekenis van 'n teks deur ander tekste. Dit kan verwys na 'n outeur wat uit ander tekste leen of 'n vroeër teks verwerk of vervorm, of na 'n leser wat na een teks verwys terwyl hy 'n ander een lees.) Hierdie storie, kort soos dit is, is gebaseer op verskeie weergawes van die Aspoestertjie verhaal, alhoewel dit meer uit Charles Perrault se weergawe leen. (Die een wat jy ken van Disney.) Hier is 'n goeie artikel oor wat die Aspoestertjie verhaal bevat met voorbeelde van moderne verwerkinge: https://www.npr.org/2015/03/13/392358854/a-girl-a-shoe-a-prince-the-endlessly-evolving-cinderella O, ja: en hierdie verhaal, in sy Engelse weergawe, is deel van 'n kortverhaalbundel spesifiek met Aspoesterjie geïnspireerde verhale as die tema. (En ek het nie enigiets met die bundel te doen behalwe as 'n skrywer nie.)
-
Anze
Ronel ek gee jou antwoord net so deur aan die Ink moderator, glo hy sal met jou inverbinding tree via inkassie
-
Ronel Janse van Vuuren
Dankie.
-
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Maart 2019 projek