Praat met my
Ek vra – roep uit, ek soek na jou!
Ek is verewig en altyd met jou!
Is die belofte ooit die waarheid
of is dit net wensdenkery?
Dit was van korte duur, o so kort,
jou liefde het geblom, jy was vry
‘n vlinder wat in die wind sweef.
Waar het jy heen verdwyn?
Het ek dalk gewankel in my weë?
As die son alles rondom verskroei
dan is dit jy wat my staande hou.
Hoe sal ek dan jou liefde verraai?
Praat met my dat ek kan verstaan
want die pyn verteer my stadig,
verlange en hartseer sny diep,
twyfel verstrengel selfvertroue.
24/05/2016 © C. du Plessis
Amaspoke
Ek wou nog altyd skryf en het uiteindelik laas jaar 'n bundel uitgebring. Ek bedink nie spesifiek 'n skrywe nie, dit kom spontaan en op ingewing van die oomblik. Ek sal enige kommentaar, sleg of goed, aanvaar met ope arms.
5 Kommentare
-
Janetta-Helena Boonzaaier
Praat met my! Ja, dis waar, daardie stilstuipe wat redes verswyg en eintlik nie die saak of probleem oplos nie! Mooi! Ek sien Anze noem jou Casper, dis darem baie mooier as Amaspoke!!
-
Amaspoke
Dit is my eintlike naam maar die souties noem my "The friendly ghost" en die zotte noem my "Amaspoke Spoke"
-
-
neels
soos altyd het ek hierdie werk van jou geniet casper
-
Evelyn van der Merwe
Hartseer en verlange na antwoorde hier mooi vasgepen. Welgedaan.
Maak 'n opvolg-bydrae
Jy moet aangemeld wees om 'n kommentaar te plaas.
Anze
sjoe, hierdie is n diepseer verlange wat sterk tussen jou pragtige woorde uitklim.. pragtig gepen Casper