Siks

ons almal gis oor die lewe
oor kanse, kerk en politiek
hoe om kinders (reg) groot te maak
en wat belangrik is vir elke saak

ons wroeg van soggens tot saans
speel skeidsregter en duiwelsadvokaat
hou ons alwetend en vernaam
en plaas graag op ander die blaam

ons leen ons ore uit vir skindery
sing lustig saam aan opgemaakte deuntjies
volg slaafs elke nuwe modegier
en gun niemand anders hul plesier

ons soek gedurig ‘n (ander) sondebok
om te gaffel en gesel in die openbaar
sowaar as wat padda ‘n manel dra
ons ou volkie weet van mor en kla

SIKS … SOWAAR!

©Driekie Grobler (2020)

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag