Soos die voëls van die hemel
hoe dans ‘n kwikkie tog so wipstert fyn
rinkink ‘n vink, en laat die riete roer
in bome, waar die son deur blare skyn
breek die dag vir ‘n duif wat lustig koer
as die rooivlerkspreeu so verleid’lik fluit
en muisvoëls kwetter waar die pers bos blom
drink jangroen uit die kanferfoelie tuit –
hoe soet die sap wat uit diep kelke kom
pelikane sweef langs ‘n skedelkus
oor die wy’ oseaan, die koudste see
‘n albatros vind op lugstrome rus –
dis storm en wind wat sy vlerk krag gee
die lewe’s nóú, wis elk voël klein en groot
‘n hemels’ vlug – in ‘n stryd – tot die dood
C. Shaw
3 April 2016
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
9 Kommentare
-
-
Viooltjie
Baie dankie, Timmie. Ek waardeer die mooi woorde :-)
-
-
Evelyn van der Merwe
Hoe mooi inkorporeer jy die assonansie en alliterasie hier. Onverwagte slot wat alles in 'n neutedop saamvat.
-
Viooltjie
Baie dankie, Evelyn. Ek waardeer die saamlees en kommentaar :-)
-
-
neels
waow Carma het jy maar n slag om oor die natuur te dig
-
Viooltjie
baie dankie, Neels. Ek waardeer dit baie :-)
-
-
Anze
Pragtig, baie dankie vir jou bydrae tot die Carpe diem projek
-
Koekekranka
Welgedaan!
-
Kiekies
Mmmmm, jaaaa, dis pragtig!
Maak 'n opvolg-bydrae
Jy moet aangemeld wees om 'n kommentaar te plaas.
Timothy Timmie De Vos Botha
pragtig, lief dit as digters van die natuur dig, dis soooo mooi !!