Seemeeu
Tussen berg, boom en klip en laat middagson hitte wat golwe op die grondpad gooi hoor mens die gesing van voëls gereeld. Hier is loeries en arende en as die geluk na jou kant toe waai mag jy dalk ’n valk sien. Ja, my grootword is in die Bosveld … al verlang my hart na […]
Afstand
Twee riviere loop paralle teen my wange af. Alles gebeur so vinnig. Dae vlieg, ure verdwyn in die niet. Reën loop in klein riviertjies dwarsoor my ruit. Alles gebeur so vinnig. Bosse gly verby en die pad krimp met elke sekonde. Elke nuwe kilometer skeur die gaping tussen ons weier oop.
Arende
Ek wil nog eendag saam met die arende vlieg, Vergeet van sommer nou en net daar wees, Alles klein onder my, Klein en vêr maar steeds nog daar. Ek wil nog na alles kyk asof vir die eerste keer, Miskien die laaste keer, En soos ‘n jong kalf spring en bulk en luister na sy […]
Afgevalle roosboomblare …
in afgevalle roosboomblare lê alleenheid afgeëts niemand wat hul geur meer inasem of hul mooiheid in woorde skets soos die afgevalle roosboomblare voel my menswees sonder jou geen warm liefde wat oor my straal of sagte hande wat my hart omvou
DIG DEUR DIE DONKER
woorde soos die hemelruim sonder maan of ster gekleë vou om my hart vanaand in stille kerslig atmosfeer Here, help my in die duister om deur die donker te dig en goed in alles wat sleg is, te sien in U lig
Kwatryn
hoe hard klink jou stem soos perde ongetem ek vra net jou stilte want klank sny soos ‘n lem!
