Welkom, Besoeker
Welkom, Besoeker

Titel: Seemeeu

Deur Anria
Datum gepubliseer: 18 Februarie 2016 Aantal woorde: 116 999 Kere gelees 17

Tussen berg, boom en klip
en laat middagson hitte
wat golwe op die grondpad gooi
hoor mens die gesing
van voëls gereeld.

Hier is loeries en arende
en as die geluk na jou kant toe waai
mag jy dalk ’n valk sien.

Ja, my grootword is in die Bosveld
… al verlang my hart na die see
en saam saam met jou
het ek daar
op die punt van Mosselbaai
vir die eerste keer
gesien hoe die seevoël lyk.

Dit was Februarie en dit was koud,
jy het geduldig
vir my gesit en wag
en net geglimlag oor
my opwinding en kinderlike onskuld
soos ek op die strand
in die seelug
in die ronde draai.




TEMAS
5 Kommentaar
  1. Desiréé

    18 Februarie 2016

    Dit laat my hart sommer met ‘n punt see toe trek … mooi geskryf.

  2. Somerreën

    18 Februarie 2016

    Mal hieroor….die beskrywings in jou gedig neem my saam op jou ontdekkings-vlug.

  3. Anze

    23 Februarie 2016

    Pragtig!!!! .. Wysig na Gedigte kategorie

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 59
Kommentaar telling: 76

Anria Breed is gebore in 1983 en woon tans in Brits. Sy het ’n Nasionale Sertifikaat N6 - Bestuursassistent Diploma met Besigheidsafrikaans. Haar kortverhaal, Die ou Beetle, het die aanlyn Vrouekeur kompetisie gewen in Februarie 2015. In Julie 2015 is drie van haar gedigte gepubliseer in Brose Genade, ’n bundel vir kanker-vegters. Sy het haar debuut digbundel, Volg net die Skoenlappers, in Augustus 2015 gepubliseer. In Januarie 2017 is een van haar gedigte in ’n Nederlandse tydskrif gepubliseer ter ere van die stigting van die nuwe gemeente, Meierijstad in Nederland. In Mei 2017 is haar gedig, Die mooi van die donker, gepubliseer in die digbundel Inkspraak.

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

1 Lid, 76 gaste aanlyn

Bydraes – Argief