Uit blinker
Selfs ‘n ster
moet kan sê
dat sy moeg is om te skyn ~
dat sy soms net wil verdwyn
in die donker.
Selfs die maan
moet verklaar
sy’t als gedoen
sy was al daar.
Ja, selfs die maan
moet hierdie waarheid
openbaar.
En selfs die son
moet erken
sy wéns die einde
was in sig.
Maar nou is dit haar plig
om ~ ter wille van die aarde
en die koring en die mielies
en die wingerd op die land ~
vir nog miljoene jaar
te brand.
. . . wáár sal haar rus vandaan kom?
© C. Shaw
25 Augustus 2016
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
8 Kommentare
-
-
Viooltjie
Baie dankie, Anze ☺
-
-
neels
Ai ai Carma jy mag maar hoor
-
Viooltjie
Baie dankie, Neels. Ek waardeer :-)
-
-
Ronel Janse van Vuuren
Goed gepen. Die hoogste bome vang die meeste wind en sterre moet aan hou skitter of hulle verloor alle lig en word black holes wat alles insuig... (Mm, dalk het ek 'n bietjie te veel navorsing gaan doen oor sterre en wat van hulle word.) Tog, die maan en sterre hoef net in die aand te skyn - hulle kry 'n paar ure se rus in. En die maan het 'n donker kant wat ons nooit sien nie, waar sy net haarself kan wees en nie hoef te skyn nie... Mm, miskien lees ek meer in die gedig as wat ek moet.
-
Viooltjie
Dankie, Ronel. Ek geniet jou kommentaar. Saamgesels is altyd lekker :-)
-
-
Kiekies
Hmmm jy praat waar hier. Alles en almal het soms, net soms rus nodig. Anders word uit-blink uit-brand,
-
Viooltjie
Baie ankie, Kiekies. Jy het al weer mooi gelees :-)
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Baie mooi