VITAMIEN VRIENDE
VITAMIEN VRIENDE
(Brons)
sommige vriende
is soos energie vitamiene in die oggend
hulle gee jou ‘n ekstra huppel in jou stap
‘n bietjie meer vooma in die lewe
sommige vriende
is soos sonskyn in winter wat prikkel op jou vel
terwyl die winterkoue jou aan jou enkels byt
gee hulle jou meer as net ‘n tikkie warmte
sommige vriende
is soos marshmallows
met sagte liefde wat jou styf omvou
soetsappig toegedraai in veiligheid
Spreuke sê vriende kan mekaar verwoes, maar daar kan ook ’n vriend wees wat nader aan jou is as jou eie broer.
sommige vriende
dra nie jou belange op hul hart
en goed genoeg is jy net deur hulle tyding van smart
eensydig selfsugtig en misbruik
kies vriende wat is soos jou vitamien
‘n vriendskap waar beide mekaar dien
saam ‘n pad stap in liefde en leed
geestelik help groei tot elkeen heel
©️TaniaPascheka
24.08.2020
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Augustus 2020 – OOP projek