XYZ (Brons kategorie)

dit was daar – die punt aan die einde van die sin.
geen twyfel aan my sig of leesvermoë
geen “per abuise” val van die pen

die sweet, klam aan my vingers
kon geen fout bespeur
selfs sou ek dit tas asof in Braille
daar was geen komma of rusteken – net ‘n punt

deur dieper te probeer inkyk was verniet
selfs die leë spasies tussen die woorde
het geen geheimenisse gelewer
of geopenbaar

weerlees en fokus ook tevergeefs
daar was die slotsom…
die woorde het geëindig

selfs sou ek “my oë opslaan na die berge”
daar was geen hulp – jy was nie meer daar
net die koue oggendwind se streling
oor die brief in my hand

©callie

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag