Ek offer vir jou
”k breek in diep ontferming vir jou
‘n broodjie saam met die visse
van ‘n kobaltblou see
dan buig ek stom en skep bakhand
uit die Eufraat se vloed
dat die son weer
oor jou geluk sal gloed
‘k doop jou met die hoopvolle wete
dat jy kan vergeet om te onthou
dat jou seerkry in die kring
van ‘n bleekwit maan sal verflou
en die doringkroon in spore
van aanbeweeg sal kerf
sodat jou onheil ook
in misgeboorte sal sterf
as die voorhangsel
dan bevrydend
in lettergrepe skeur
weet dat niks sonder God
se vingerval gebeur
daar sal weer ‘n nuwe dag breek
waar jou hart sal ophou treur
so ek offer vir jou
in Vrede van Bo
‘n beker wyn (en)
genadebrood vir jou alleen
mag dit vir jou wees
tot ewige seën
©Anzè Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
6 Kommentare
-
Evelyn van der Merwe
Ek vereenselwig my hiermee. Pragtig gepen.
-
neels claasen
Anze hierdie werk beteken vir my baie in die opsig dat dit my aan die nagmaal herinner
-
Anze
Baie dankie Carma, Evelyn en Neels vir julle mooi woorde ek waardeer baie
-
Kiekies
Puik vers, veral: as die voorhangsel dan bevrydend in lettergrepe skeur weet dat niks sonder God se vingerval gebeur daar sal weer ‘n nuwe dag breek waar jou hart sal ophou treur
-
Cornien
daar sal weer ‘n nuwe dag breek waar jou hart sal ophou treur .... Raak my so diep, danke!!!
Maak 'n opvolg-bydrae
Jy moet aangemeld wees om 'n kommentaar te plaas.
Viooltjie
Goes gedoen, Anze. Dit klink goed as ek dit hardop Lee's :-)