NSRI (Silwer)

Ek het gedog jy was my reddingsboei,
of my rubber duck,
maar jy’t gesê ek moes bly stoei,
ek sien verkeerd –
die water is vlak:

Ek moes in die arms van die stingray bly,
stekie vir stekie
se stadige dood bly ly,
myself en wie verkul,
want al is sy aard ook hoe,
kan die pyle in sy stert terugkrul.

En kognitief versteurd
het ek bly droom
ek sou uiteindelik
soos in ‘n sprokie
van my kinderdae
op ‘n dolfyn kon ry,

maar ek bly spartel
hidrofobies,
met borrels in my neus en mond,
tussen monsters van die see
en vrot vis rond.

Charleine Collins © Desember 2019

Illustrasie: https://psiloveyou.xyz/youre-not-drowning-you-just-need-to-stand-up-61d010657e47

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag