Simson’s heuningstroop
sonder frustasie of swart gemoed
ken jy die kronkel roete na my hart
wasem die soet van jou asem oor
die palm van my wang met ‘n sagte vlindervat
blom begeerte roospienk
soos perskebloeisels in jou kyk
smelt ysriviere tot smeulende lawavure
waarvoor tot die gerubs wyk
in tsunami vloed jou hartstog
oor die sagte oewers van jou mond
klank jou stem in broosheid ‘n ewige simfonie
van ons liefdesverbond
in die knusheid van jou
heelmens-liefde brand wegholvure
met ‘n onblusbare gloed
oester jy elke oomblik in goue ure
kosbaar – tot ‘n glansend perel
waar jy in Simson’s heuningstroop
ons liefde dikpens voed
van inhibisies gestroop
© Anzé Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
9 Kommentare
-
-
Anze
Baie dankie vir jou saamlees en goue voetspore, ek waardeer dit opreg
-
-
neels
Anze ek is een van jou grootste aanhangers en lees al jou werke. Hierdie werk is een van jou bestes ooit en die foto dra by tot die prag van hierdie werk
-
Anze
Baie dankie dierbare Neels vir jou goue woorde ek waardeer dit baie
-
-
Viooltjie
Baie goed gedoen Anze. Warmromanties. Goeie werk :-)
-
Anze
Baie dankie vir jou gereelde inloer en mooi kommentaar Carma ek waardeer dit baie
-
-
Arnold
Liefde blom in 'n gloed ware omgee.
-
Anze
Baie dankie vir jou saamlees Arnold ek waardeer dit baie
-
-
Ronel Janse van Vuuren
Pragtig. Hou veral van die teenstelling hier: "smelt ysriviere tot smeulende lawavure"
Maak 'n opvolg-bydrae
Jy moet aangemeld wees om 'n kommentaar te plaas.
Koekekranka
Romantiespuik!!!