Die Klein Dingetjies
Die Klein Dingetjies
Ek dink nie aan groot liefdesdade nie
maar aan die byna onmerkbare dingetjies
van ‘n liefdevolle, vredevolle samesyn,
die woordelose begrip en aanvoeling
vir mekaar se gemoed en behoeftes,
rustig saamlees en na mekaar luister
in vrede en liefde en gemaklik tuis
in mekaar se geselskap soos
uitgetrapte gerieflike pantoffels en
‘n knus ou kamerjapon dalk al effens
verslete en ‘n lekker beker koffie
met ‘n laataand versnaperinkie
gemaklik op die rusbank in liefdevolle
beskermende arms omvou en die stil wete
ons is lief vir mekaar—
Janetta – Helena [Babs] ©
4 Kommentare
-
-
Janetta-Helena Boonzaaier
Baie dankie Borrels ek waardeer jou kommentaar baie.
-
-
Anze
Dit is juis hierdie klein dingetjies wat die liefde so kosbaar maak.. pragtig gepen tannie Babs
-
Janetta-Helena Boonzaaier
Anze ek waardeer altyd jou kommentaar so baie!
-
Maak 'n opvolg-bydrae
Jy moet aangemeld wees om 'n kommentaar te plaas.
borrels
Ek hou van dit.