Die Meesterstuk

ek staar na jou meesters werk
geen kreatiwiteit was ingeperk
jy het dit skelm vir my geskilder
so perfek geskep vir my

jy het my hart so goed geken
die vissers wat spook met ’n net
die horison in pienke gekleur
oilskins weerkaats groen in die water

die vissers lag so lekker oop bek
en die visse spartel op droë sand
ek verdwaal in hierdie toneel
sonder dat dit my ooit verveel

stukke verf sit aangeplak
met spatels dik gesmeer
die tekstuur laat alles lewe
en laat sing my hele wese

my siel smag na jou menswees
verdiep daar voor jou esel
hoe jy my opgewonde kom roep het
met die geboorte van ’n meester

jy het dit nooit vir my gegee nie
my nooit kom roep nie…
sou so graag in jou oë wou kyk
opgewonde oor hierdie werk

die skilder in jou het stil gegaan
die res is stuk vir stuk opgevreet
die donerse kanker het gewen
’n gat uit my lewe geruk…

ek het dit onder jou bed gekry
vir maande was dit heeltyd daar
net ’n kort boodskap agterop
sorry, ek het die emmer geskop

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag