EGSKEIDING
Egskeiding
worstelend versmorend
wreed en werklik
klankloos dof gekrete verset
woorde wurgend
kneusend verwoede
verwerping
pynlike penetrasie
oor en oor en oor
sagste menswees
onkeerbaar verskeur
ondenkbaar verniel
onherstelbaar vernietig
versoening verrafel
vertroue verflenter
brutaal verkrag
verslae opgekrul
swygend gefetus
maar
genadiglik genaelstring
beskermd omvou deur Sy Hande
onsekere saadjies
kry wortel en swel en groei
o God…
die pyn
skeur deur my
verskeur my
werk saam met die pyn
werk saam
tot vergifnis kroon
en skree en skree en skree
nuwe lewe beur skree-skree
dom hande dowwe oë
kriewelend beur na ‘n kriesel hoop
reikend grypend
nog ‘n kans op geluk
nog ‘n kans op liefde
© Barbara Smit 06/05/2018
Maak 'n opvolg-bydrae
Jy moet aangemeld wees om 'n kommentaar te plaas.