Ek begrawe vir jou ‘n storie
Dis die tiekies op die spoor-
“wat is ‘n tiekie?” sou jy vra;
die klein-bietjie-liefde,
‘n knippie sout, ‘n bietjie blou
opgevou om té hou.
“Wat nog” sou jy sê
‘n hardeskyf met liedjies
en prente van diertjies en allerande goetertjies-
‘n sonkrag herlaaibare arsenaal
als op digitaal-dis hoe hy werk.
‘n Doos gemerk ‘spesiaal’-
“Hoekom spesiaal?” sou jy vra;
Want hierin bêre ek vir jou die geure-
‘n bietjie boegoe, ‘n bietjie olieverf, ou boeke, pastelle
en woorde vir jou sintuie.
“Wat is oudhede” hoor ek jou uiter
alles wat kennis sou dra-
soos hier ingesluit:
dit wat was en dit wat is,
die ek in jou en die jy in my.
“En die pakkie gemerk Triomfboog?”
Dit is die klein saadjie-wag hy sal ontkiem;
Sien jy die reënboog-dáár bó?
Dit is waar, ek waak…
©Morné du Preez
3 Kommentare
-
Seirdna
Baie goed Morné. 'n Wenner hierdie!
-
morne du preez
Dankie Andries ek voel nogal of hy 'n "Triomfboog" is.
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Maart 2020 - Triomfboog projek