In die lig van ń sterwende maan

Een aand op ń verlate strand
het jy die aandster vir my gegee
saggies gesê – “o bliksem maar die liefde brand” –
en trane uit jou oë gevee

Die sekelmaan het koepelboog
oor ons naaktheid gehang
Onder sterrereën se skitter-oog
het ons geswig voor liefdesdrang

Met asem sag soos môredou
en lippe alomdeur my hart se weë,
het jy my ingetrek en hardop gesê: “Onthou –
ek het jou lief soos die maan vir die see!”

Maar diep in my het ek geweet
ons laaste uur sal gou aanbreek –
as die sterre wegsink in hul towerkleed
en gate vir die son los, om haar voelers deur te steek…

en jý jou dors vir my geles –
na minnesoen weer heengegaan,
met die aandster in ń Consol-fles
in die lig van ń sterwende maan.

* Ballade
@Loretta Szikra 25 Oktober 2017

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag